Rusiya Xarici İşlər Nazirliyi qarşılıqlılıq prinsipinə uyğun olaraq estoniyalı diplomatın deportasiya edilməsinə qərar verildiyini açıqlayıb.
NOCOMMENT.az publika.az-a istinadla xəbər verir ki, estoniyalı səfir Jana Vanamolderi nazirliyə çağırılıb.
Bəyanatda Rusiyanın Tallindəki səfirliyində çalışan diplomatın martın 19-da heç bir əsas olmadan “persona-non-qrata” elan edildiyi xatırladılıb.
Bəyanatda deyilir: “Qarşılıqlılıq prinsipinə əsaslanaraq, Estoniya səfirliyin diplomatik əməkdaşının Rusiyadan deportasiya ediləcəyi barədə məlumat verilib. Estoniya tərəfinə onun düşmənçilik fəaliyyətinə hər zaman müvafiq cavab veriləcəyi barədə məlumat verilib”.
