Rusiya ilə Ukrayna arasında müharibə davam edərkən, Moskva administrasiyası bütün dünyanı narahat edən “nüvə silahı” üzərində dayandı.
NOCOMMENT xəbər verir ki, Moskva qlobal münaqişə vəziyyətində nüvə silahı da daxil olmaqla, hər cür silahla özlərini müdafiə etmək hüququna malik olduğunu bildirib.
ABŞ prezidenti Co Baydenin Ukrayna ilə Rusiya arasında müharibənin ildönümü öncəsi Kiyevə gözlənilməz səfəri bölgədəki gərginliyi bir daha artırıb. Kiyev küçələrində dolaşaraq Rusiyaya meydan oxuyan ABŞ prezidenti Ukraynaya dəstəyinin davam edəcəyini bəyan edib. Baydenin sözlərinə Rusiya tərəfdən də reaksiya verilib. Rusiya prezidenti Putin müharibəni Qərbin başladığını desə də, münaqişələrin davam edəcəyinə işarə edib.
