Rusiya Xarici İşlər Nazirliyi bəyan edib ki, Ermənistanın baş naziri Nikol Paşinyan Rusiyanı günahlandıraraq, daxili və xarici siyasətdəki uğursuzluğuna görə məsuliyyətdən qaçmağa çalışır.
NOCOMMENT.az xəbər verir ki, nazirlikdən verilən açıqlamada qeyd olunub ki, Paşinyanın Müstəqillik Günü münasibətilə verdiyi mesajda Rusiyaya qarşı bəyanatlarında qəbuledilməz hücumlar və korlanmış münasibətlər var.
Ermənistanın baş nazirinin hərəkətləri Rusiya və Ermənistan münasibətlərini Qərbin təhrik etdiyi dağıdıcı prosesə apardığı bildirilən bəyanatda Paşinyanın bütün bu müddət ərzində bilərəkdən Ermənistanı Rusiyadan uzaqlaşdırmağa hazırlaşdığını etiraf etdiyi də vurğulanıb.
