Rusiya qoşunları Ukraynanın “qalalar kəməri” adlanan əraziyə qarşı sürətli quru hücumuna hələ hazır deyil və bu istiqamətdə əməliyyatlara ən tez bir neçə aydan sonra, şimal və ya şərq istiqamətindən başlaya bilər.
NOCOMMENT.az xəbər verir ki, bu barədə “Institute for the Study of War (ISW)” tərəfindən yayımlanan yeni hesabatda bildirilir.
Hesabatda Slavyanska şimaldan çıxış əldə etmək üçün Rusiya qüvvələri əvvəlcə Liman şəhərinin tam ələ keçirilməsini başa çatdırmalı və təxminən 14 kilometr irəliləməli olduğu qeyd olunur. Bu marşrut həmçinin Severskiy Donets çayının məcburi keçilməsini nəzərdə tutur.
Alternativ variant isə şərqdən hücumdur ki, bu halda qoşunlar Seversk rayonu ətrafından Slavyanska qədər təxminən 30 kilometrlik məsafəni qət etməlidirlər.
ISW-nin qiymətləndirməsinə görə, Seversk istiqamətində fəaliyyət göstərən Rusiya 3-cü ümumqoşun ordusunun bölmələri nəzəri baxımdan Slavyanska şərqdən birbaşa hücuma cəhd göstərə bilər. Lakin bunun üçün onların Liman istiqamətindəki digər Rusiya qruplaşmalarından daha sürətlə irəliləməsi lazımdır. Hazırda isə Liman ətrafında döyüş əməliyyatlarının tempi aşağı olaraq qalır.
Hesabatda həmçinin bildirilir ki, Rusiya yeni hücum kampaniyası planını həyata keçirməyə çalışır.
Bu plan genişmiqyaslı quru əməliyyatlarından əvvəl Ukrayna müdafiəsinin və logistikasının aylarla zəiflədilməsini nəzərdə tutur. Belə yanaşma Pokrovsk və Qulyaypole istiqamətlərində nisbətən sürətli nəticələr versə də, Liman bölgəsində hələlik gözlənilən effekti verməyib.
Aliyə
