2025-ci ilin birinci yarısında Rusiyanın əmtəə ixracı altı faiz azalıb.
NOCOMMENT.az bildirir ki, bu barədə Rusiya Federasiyası Federal Gömrük Xidmətinin (FGX) rəhbəri Valeri Pikalev RBC- yə istinadən bildirib.
İlin birinci yarısında Rusiya mallarının xaricə satışı dəyər ifadəsində 195,5 milyard dollar təşkil edib. İdxal təxminən bir faiz artaraq 131,6 milyard dollara çatıb.
Pikalevin sözlərinə görə, hazırda əsas ticarət tərəfdaşları Çin, Türkiyə, Hindistan, Belarus və Qazaxıstandır.
“Biz İran (əlavə olaraq 10 faiz), İndoneziya (üstəgəl 48 faiz), Misir (43 faiz), Braziliya (10 faiz) kimi ölkələrdən ehtiyac duyduğumuz malların tədarükünü ciddi şəkildə genişləndiririk”.
Rusiya Kənd Təsərrüfatı Nazirliyinin Aqroeksport Mərkəzinin məlumatına görə, 2025-ci ilin birinci yarısında Rusiya pendirləri və kəsmiklərinin ixracı kəskin şəkildə artıb. İllik ifadədə ixrac 20 faiz artaraq 70 milyon dollara çatıb. Fiziki ifadədə ixracın həcmi 14 min ton təşkil edib. Son altı ayda gənc pendirlərin tədarükü üçdə bir artaraq 33 milyon dollara çatıb. İşlənmiş pendirlərin ixracı illik müqayisədə 16 faiz artaraq 25 milyon dollara çatıb.
