NOCOMMENT.az Rusiya mətbuatına istinadən xəbər verir ki, Rusiya Müdafiə Nazirliyinin 18-24 noyabr tarixli hesabatında deyilir ki, “Vostok” qruplaşmasının Rusiya hərbçiləri Cənubi Donetsk istiqamətində daha əlverişli mövqelərdə yerləşdirilib və qrupun bölmələri Ukrayna ordusunun iki hücumunu dəf edib.
Departamentin hesabatında bildirilir ki, ordunun aviasiyası və artilleriya qüvvələri Ukrayna Silahlı Qüvvələrinin 58-ci motoatıcı, 72-ci mexanikləşdirilmiş, 79-cu hava hücumu briqadasını, həmçinin Novomixaylovka, Staromayorskoye, Nikolskoye, Şevçenko, Novodonetskoye və Konstantinovka qəsəbələri ərazilərində 127 və 128-ci müdafiə briqadalarını vurub.
