Rusiyanın Federal Təhlükəsizlik Xidmətinin Sərhəd Xidməti Ermənistanda dörd əlavə post yaradıb.
NOCOMMENT yenisabah-a istinadən xəbər verir ki, bu barədə Rusiya Federal Təhlükəsizlik Xidmətinin direktoru Aleksandr Bortnikov məlumat verib.
FTX direktorunun sözlərinə görə, iki post Ermənistanla Naxçıvan sərhədində, daha ikisi isə Ermənistan-İran sərhədində yerləşdirilib.
“Lazımi tədbirlər Ermənistanın sərhəd orqanları ilə razılaşdırılaraq həyata keçirilib. Biz Azərbaycan sərhədçiləri ilə əlaqə yaratdıq, zəruri münasibətlər qurduq. İnformasiya mübadiləsi edirik”, – deyə A.Bortnikov bildirib.
