Rusiya Ukrayna Silahlı Qüvvələrinin (AFU) əsir götürdüyü 49 əsgərini mübadilə çərçivəsində geri qaytarıb.
NOCOMMENT.az xəbər verir ki, bu barədə Ukrayna prezidenti Vladimir Zelenski Telegram kanalında bildirib.
Zelenski əsir mübadiləsi çərçivəsində 49 ukraynalı əsgərin geri qaytarıldığını açıqlayıb. Onların arasında Ukrayna Silahlı Qüvvələrinin, Ukrayna Milli Qvardiyasının hərbçiləri, Milli Polisin və Ukrayna Dövlət Sərhəd Xidmətinin əməkdaşlarının olduğu bildirilir.
“Mən məhbusların və girovların azad edilməsini təmin edən bütün komandamıza təşəkkür edirəm”, – deyə siyasətçi bildirib. O, əsir götürülən bütün Ukrayna hərbçilərinin geri qaytarılmasının vacibliyini vurğulayıb.
Bundan əvvəl Rusiyanın xarici işlər naziri Sergey Lavrov bildirib ki, Zelenski əraziləri və məhbusları ələ keçirmək üçün Kursk vilayətinə müdaxilə edə bilər.
