Rusiyanın Kişinyovdakı səfiri Oleq Ozerov respublikanın xüsusi xidmət orqanlarının ittihamları ilə əlaqədar Moldova Xarici İşlər Nazirliyinə gəlib.
NOCOMMENT.az xəbər verir ki, bu barədə TASS məlumat yayıb.
Martın 31-də Moldovanın İnformasiya və Təhlükəsizlik Xidmətinin rəhbəri Aleksandr Mustyatse bəyan edib ki, Rusiya səfirliyi guya “Pobeda” blokundan olan parlament üzvü Aleksandr Nesterovskiyə ədalətdən gizlənməyə kömək edib. O, iddia edir ki, siyasətçi hökmün elan edilməsindən bir gün əvvəl diplomatik missiyaya buraxılıb, ertəsi gün isə diplomatik nömrəli avtomobillə Dnestryanıya gətirilib. Buna cavab olaraq Rusiya səfirliyi bəyan edib ki, Moldova xüsusi xidmət orqanlarının Moldovanın daxili işlərinə iddia edilən müdaxilə ilə bağlı eyhamları əsassız və qəbuledilməzdir.
