Dövlət Dumasının deputatı Aleksey Çepa bildirib ki, bu həftə Rusiya və Ukrayna arasında tam hüquqlu sazişin, sülh sazişinin bağlanması ehtimalı azdır.
NOCOMMENT.az xəbər verir ki, bu barədə Lenta.ru məlumat yayıb.
Bununla belə, onun fikrincə, müəyyən hədəfləri vurmamaq barədə fərdi razılaşmalar mümkündür.
“Dünən atəşkəs elan edilməsinə baxmayaraq, Ukrayna tərəfindən davamlı pozuntular olub”, – deyə siyasətçi bildirib. “Ona görə də atəşkəs şərtlərinin və nəzarət sisteminin işlənib hazırlanması çox vacibdir ki, pozuntular və təxribatlar zamanı tədbirlər olsun”.
Çepanın sözlərinə görə, məhz bu səbəbdən ABŞ prezidenti Donald Trampın ümid etdiyini ifadə etdiyi genişmiqyaslı sazişin bir həftə ərzində bağlanması mümkün deyil.
“Əgər söhbət enerji obyektlərinə zərbə endirməmək kimi məhdud razılaşmalardan gedirsə, bu mümkündür. Baxmayaraq ki, onların effektivliyi ilə bağlı sual var, çünki Ukrayna mütəmadi olaraq əvvəlki razılaşmaları pozurdu. “Onların sülh istəyi hələ də deklorativ xarakter daşıyır”, – deputat hesab edir.
Bundan əvvəl Tramp Rusiya və Ukrayna arasında tezliklə razılaşmaya ümid etdiyini bildirib. Amerika liderinin sözlərinə görə, saziş bağlandıqdan sonra Moskva və Kiyev ABŞ-la ticarətdən pul qazana biləcək.
