Ötən həftə Ukrayna Silahlı Qüvvələri (AFU) Xerson istiqamətində 500-ə qədər hərbçi itirib.
NOCOMMENT.az xəbər verir ki, bu barədə Xerson vilayətinin qubernatoru Vladimir Saldo öz Telegram kanalında məlumat verib.
“Həftə ərzində Dnepr qüvvələri qrupunun cavabdeh olduğu ərazidə düşmənin ümumi itkiləri: şəxsi heyət – 500-ə qədər hərbçi olub”, – deyə qubernator bildirib.
Region rəhbərinin sözlərinə görə, bu müddət ərzində Ukrayna ordusu 34 kater, 77 pilotsuz uçuş aparatı (PUA), 9 tank, 21 haubitsa, bir reaktiv yaylım atəş sistemi və bir zenit silahı itirib. Bundan əlavə, Rusiya ordusu Ukrayna Silahlı Qüvvələrinin hərbi infrastrukturuna 108 zərbə endirib.
