Rusiya və İran Xəzər regionunda, Mərkəzi Asiyada, Zaqafqaziyada və Yaxın Şərqdə sülhün və sabitliyin möhkəmləndirilməsinə yönəlmiş birgə tədbirlər görəcəklər.
NOCOMMENT.az xəbər verir ki, bu barədə TASS məlumat yayıb.
Bu, Rusiya və İran prezidentləri Vladimir Putin və Məsud Pezeşkian tərəfindən imzalanmış hərtərəfli strateji tərəfdaşlıq haqqında sazişdən irəli gəlir.
Sənəddə qeyd olunur ki, Moskva və Tehran sadalanan regionlara müdaxilənin və orada üçüncü ölkələrin sabitliyi pozan mövcudluğunun qarşısını almaq üçün əməkdaşlıq edəcək.
