ABŞ-da 2024-cü ilin noyabrında keçiriləcək prezident seçkilərinin nəticələrinin Rusiya üçün heç bir əhəmiyyəti yoxdur.
NOCOMMENT.az xəbər verir ki, bu barədə TASS-a Rusiya xarici işlər nazirinin müavini Sergey Ryabkov bildirib.
“Ümumilikdə, ABŞ-ın növbəti prezidentinin kim olacağı bizim üçün heç bir əhəmiyyət kəsb etmir, əsasən ona görə ki, Amerika elitasının əsaslı anti-Rusiya konsensusunu nəzərə alaraq ümumi vəziyyəti yaxşılığa doğru dəyişmək perspektivləri yoxdur”,- deyə Ryabkov izah edib.
Bundan əvvəl Rusiyanın ABŞ-dakı səfiri Anatoli Antonov bildirib ki, Amerika kəşfiyyatının Rusiyanın hərəkətləri səbəbindən ABŞ-da seçkilərin keçirilməsinin təhlükə altına düşə biləcəyi ilə bağlı iddiaları Vaşinqtonun Moskvaya qarşı aqressiv informasiya müharibəsinin bir hissəsidir.
