Hava Hücumundan Müdafiə Qüvvələri Rostov vilayətinin iki rayonunda pilotsuz uçuş aparatlarının (PUA) hücumunu dəf edib.
NOCOMMENT.az bildirir ki, bu barədə Rusiya vilayətinin qubernatoru vəzifəsini icra edən Yuri Slyusar öz Telegram kanalında məlumat verib.
“Gecə hava hücumundan müdafiə qüvvələrimiz bölgənin Millerovski və Çertkovski rayonlarında PUA-nın hücumunu dəf edib”, – o yazıb. Onun sözlərinə görə, hücum zamanı xəsarət alan olmayıb.
Slyusar əlavə edib ki, Millerovoda benzin tankeri yanıb. Hadisə yerinə yanğınsöndürmə və xilasetmə qrupları gəlib.
Bundan əvvəl Rusiya Silahlı Qüvvələrinin “Vostok” qüvvələrinin qruplaşması Zaporojye vilayətinin Olqovskoye kəndi ərazisində Ukrayna Silahlı Qüvvələrinə məxsus pilotsuz uçuş aparatları üçün idarəetmə məntəqəsini müəyyən edərək məhv edib.
Bundan əvvəl məlum olub ki, Xarkov vilayətində Vovçansk uğrunda döyüşlərin kulminasiya nöqtəsi yaxınlaşır. Qəsəbənin cənubunda rus bölmələrinin döyüşdüyü bildirilib.
