Rusiyalı istifadəçilər Telegram messencerində nasazlıqlardan şikayətlənirlər – cəmi bir saat ərzində 1,2 mindən çox müraciət qeydə alınıb.
NOCOMMENT.az xəbər verir ki, bu barədə internet xidmətlərindəki problemləri izləyən Downdetector məlumat yayıb.
Ən çox şikayətlər Sankt-Peterburq, Moskva, Yamalo-Nenets Muxtar Dairəsi, həmçinin Moskva və Volqoqrad vilayətlərindən daxil olub.
İstifadəçilərin təxminən yarısı mobil tətbiqdə nasazlıqlar barədə məlumat verib. Şikayətlərin təxminən üçdə biri isə bildirişlərin işləməməsi ilə bağlıdır. Bundan əlavə, brauzer vasitəsilə messencerdən istifadə zamanı da problemlər qeyd olunub.
