Cənubi Koreya yanvarda Rusiyadan 252 min ton mayeləşdirilmiş təbii qaz (LNG) alıb.
NOCOMMENT.az xəbər verir ki,“İnterfaks” bu barədə gömrük məlumatlarına istinadən yazıb.
Bu, 2023-cü ilin eyni dövrü ilə müqayisədə iki dəfə çoxdur. Cəmi bir ay ərzində Cənubi Koreya 4,912 milyon ton LNG idxal edib ki, bu da ötən yanvar ayı ilə müqayisədə 3% və ya təxminən bir qaz tankeri azdır.
Cənubi Koreyanın ən böyük qaz idxalçısı olan Avstraliyadan LNG tədarükünün həcmi demək olar ki, dəyişməyərək 1,18 milyon ton (-3%) olub. Bu arada ABŞ-dan yanacaq tədarükü 34% artaraq 691 min tona, Qətərdən isə 32% artaraq 818 min tona çatıb.
Bundan əvvəl Avropa İttifaqı bəyan etmişdi ki, müqavilənin müddəti 2024-cü ilin sonunda başa çatdıqdan sonra Rusiyadan qaz tranziti ilə bağlı sazişi müddətini uzatmağı planlaşdırmır. Eyni zamanda, Avropa Komissiyası Rusiya qazını alan ölkələr üçün alternativ həll yolu tapacağını vəd edib.