“Dağlıq Qarabağ ətrafında münaqişənin hərbi fazasının bərpası perspektivi görünmür”.
NOCOMMENT modern.az-a istinadən xəbər verir ki, bu barədə Moskvadakı Karneqi Mərkəzinin ekspert şurasının üzvü, “Sivilizasiyaların Dialoqu” İnstitutunun elmi araşdırmalar qrupunu rəhbəri Aleskey Malaşenko açıqlama verib.
Onun fikrincə, münaqişə tərəfləri sülhə ehtiyac duyur.
“Münaqişə tərəfləri ağır müharibədən sonra zəifləmiş haldadır. Azərbaycana azad etdiyi əraziləri bərpa etmək, məskunlaşdırmaq lazımdır. Yeni müharibə şəraitində isə bu mümkün olmayacaq. Bakı nəqliyyat kommunikasiyalarının açılmasına da maraq göstərir. Ermənistan isə Dağlıq Qarabağın statusunun müəyyənləşdirilməsində maraqlıdır. İndi nə Bakıya, nə də Yerevana Qarabağda yeni müharibə lazım deyil”, – deyə ekspert açıqlayıb.
Malaşenko Qarabağın yekun statusu ilə bağlı danışıqların qeyri-müyyən müddətə qədər uzanacağını və nəticəsini də öncədən müəyyən etməyin çətin olacağını əlavə edib. Onun fikrincə, ABŞ və Rusiya Qarabağ münaqişəsi ilə bağlı sıx əməkdaşlı edəcək.
“Əminəm ki, Moskva Qarabağ məsələsində yeni ABŞ administrasiyası ilə ehtiyatla amma gərginlik keçirmədən çalışacaq. Moskvanın rahatlığı onun Qarabağda qoşunlarının yerləşməsi ilə bağlıdır. Fransa isə danışıqlara yeni nəfər verəcək”.
Ekspertin fikrincə, Qarabağ məsələsi ətrafında müzakirələr uzun çəkəcək.
