Rusiyalı politoloq: “Qarabağa dair razılaşma bütün region üçün müsbət perspektivlər vəd edir”backend

Rusiyalı politoloq: “Qarabağa dair razılaşma bütün region üçün müsbət perspektivlər vəd edir”

  • whatsapp
  • messenger
  • telegram
  • vkontakte
  • odnoklassniki

“Qarabağa dair əldə olunan razılaşma bütün region üçün, ilk növbədə, iqtisadi cəhətdən müsbət perspektivlər açır”.

NOCOMMENT.az xəbər verir ki, bunu “Report”a rusiyalı politoloq Sergey Markov bildirib.

“Nəqliyyat yolları açılacaqsa, deməli Naxçıvanla Azərbaycan arasında birbaşa gediş-gəliş yoluna qoyularsa, bu bölgənin inkişaf etdirmək daha asan olacaq. Elə Dağlıq Qarabağ da inkişaf üçün daha geniş imkanlar qazanacaq”, – deyən ekspertin fikrincə, Ermənistanın təslim olması Şuşa azad edildikdən sonra baş verdi.

Əldə edilən razılaşmaların Ermənistan tərəfindən yerinə yetirilib-yetirilməyəcəyinə dair ekspert qeyd edib: “Çox güman ki, Ermənistan rəhbərliyi bu razılaşmanı yerinə yetirər. Lakin Paşinyan devrilsə, onlar razılaşmanı pozmağa cəhd edə bilərlər, amma bu, baş tutmaz. Çünki Azərbaycan hücuma keçəcək və belə olan halda Ermənistan ordusunu fəlakət gözləyir”.

Sazişin şərtlərinə görə, Qarabağda yerləşdiriləcək Rusiya sülhməramlılarından danışan politoloqun qənaətincə, onlar “erməni əhalisi üçün təhlükəsizliyin zəmanətidir”. Ermənilərin qorxularını əsassız hesab edən rusiyalı politoloq bildirib: “Məncə, Qarabağ erməniləri Azərbaycanda əvvəlkindən daha firavan yaşayacaqlar. Məvacib və təqaüdlər daha yüksək, iş yerləri daha çox olacaq. Qarabağ ermənilərinin qorxuları daha çox təbliğata uymalarının nəticəsidir”.