Rusiya Xarici İşlər Nazirliyi amerikalı Brittni Qraynerin rusiyalı Viktor Butla dəyişdirildiyini açıqlayıb.
NOCOMMENT.az xəbər verir ki, mübadilənin Abu-Dabi hava limanında baş tutduğu bildirilir.
Avqustun 4-də Moskva vilayətinin Ximki rayon məhkəməsi amerikalı basketbolçu Qrayneri narkotik qaçaqmalçılığı və saxlama ittihamı ilə 9 il müddətinə azadlıqdan məhrum edib.
Rusiyalı Viktor But 15 ilə yaxın ABŞ-da həbsdə idi. O, 2008-ci ildə ABŞ-ın tələbi ilə Taylandda həbs edilib və ABŞ-a aparılıb.
O, ABŞ vətəndaşlarını öldürmək üçün sui-qəsd hazırlamaqda və terrora maddi dəstək verməkdə ittiham olunub.
2012-ci ildə Nyu-Yorkda andlılar məhkəməsi rusiyalını təqsirli bilib, o, 25 il müddətinə azadlıqdan məhrum edilib.
Publika.az
