Rusiya prezidenti Vladimir Putin rus cəmiyyətini xaricdən, o cümlədən mürəkkəb texnologiyaların köməyi ilə sabitliyi pozmaq və parçalamaq cəhdlərini açıqlayıb.
NOCOMMENT.az xəbər verir ki, o, bu barədə Dağıstandakı vəziyyətlə bağlı keçirilən müşavirədə danışıb.
“Bu yaxınlarda dini qurumların rəhbərləri ilə görüşdə mən Yaxın Şərqdəki dramatik vəziyyətdən, digər regional münaqişələrdən ölkəmizə qarşı, Rusiyaya qarşı istifadə etmək, çoxmillətli və çoxkonfessiyalı cəmiyyətimizdə sabitliyi pozmaq və parçalamaq cəhdlərindən danışdım. Gördüyümüz kimi müxtəlif vasitələrdən, yalanlardan, təxribatlardan, psixoloji və informasiya aqressiyasının mürəkkəb texnologiyalarından istifadə edilir”, – Putin bildirib.
