NATO-nun baş katibi Mark Rutte bəyan edib ki, Avropa Ukrayna üçün ABŞ istehsalı olan silahların ödənişi üçün “pul tapacaq”.
NOCOMMENT.az xəbər verir ki, bu barədə “RIA Novosti” məlumat yayıb.
Onun sözlərinə görə, silah Ukrayna üçün olduqca vacibdir və Avropa ölkələri Ukraynanın sülh danışıqları başlayanda ən yaxşı mövqedə olması üçün lazım olan hər şeyi təmin etməyə çalışacaq.
Rutte həmçinin qeyd edib ki, ABŞ Rusiyaya qarşı ikinci dərəcəli sanksiyalar tətbiq edərsə, bu qərardan Hindistan, Çin və Braziliya kimi ölkələr zərər görə bilər. Alyansın baş katibi əlavə edib ki, Vaşinqtonun yerində olsaydı, Rusiya Prezidenti Vladimir Putini ciddi danışıqlara başlamağa inandırmağa çalışardı.
