Rusiya prezidenti Vladimir Putinlə xarici həmkarı Donald Tramp arasında telefon danışığı hələlik planlaşdırılmayıb.
NOCOMMENT.az xəbər verir ki, bunu Rusiya Federasiyası xarici işlər nazirinin müavini Sergey Ryabkov deyib.
“Bu (söhbət – redaktorun qeydi) planlaşdırılmayıb. Bu məsələdə heç bir razılaşma, anlaşma yoxdur”, – deyə o vurğulayıb.
Ryabkovun sözlərinə görə, Rusiya lideri ilə ABŞ-ın yeni administrasiyası arasında təmaslar hələ başlamayıb.
Bundan əvvəl Rusiya liderinin mətbuat katibi Dmitri Peskov bəyan etmişdi ki, Rusiya tərəfi hələlik Vaşinqtondan Putin və Tramp arasında mümkün gələcək danışıqlara dair siqnallar almayıb. Onun sözlərinə görə, görüşün mümkünlüyü adətən dövlət başçıları tərəfindən danışıqların təşkilini məqsədəuyğun hesab etdikləri bir vaxtda müzakirə edilir.
