Şabran rayonunda bir neçə gündür davam edən yanğınla bağlı artıq bir neçə kəndin əhalisinin təxliyə olunduğu bildirilir.
NOCOMMENT xəbər verir ki, bu barədə turan-a yerli sakinlər danışıblar.
Onların sözlərinə görə, Xəlfələr, Dağ Bilici və daha bir kəndin əhalisi təhlükəsiz yerə köçürülüb: “Hazırda əkinlər də yanır. Fövqəladə Hallar Nazirliyi və kənd əhalisi birləşərək yanğınları söndürməyə çalışır”.
FHN isə deyilib ki, havanın isti və küləkli olması yanğın ocaqlarının tam söndürülməsinə mane olur: “Bu bölgədə yanğınlarla mübarizəyə 600 nəfər, 80-ə yaxın texnika, iki helikopter və bir “BE 200 ÇS” amfibiya təyyarəsi cəlb olunub”.
Bildirilib ki, təkcə avqustun 17-də respublika üzrə 154 yanğına çıxış qeydə alınıb ki, onun da 38-i Şimal bölgəsinin payına düşür.
