Moskvaya qarşı sanksiyalar Avropa iqtisadiyyatına ziyan vurub, Rusiya iqtisadiyyatı isə inkişaf edir.
NOCOMMENT.az xəbər verir ki, bu barədə “Daily Mail” müsahibə götürülmüş ekspertlərə istinadən məlumat yayıb.
Ekspertlər bildiriblər ki, Avropa hazırkı sanksiyalar strategiyası ilə “ayağına güllə vurur”. Onlar xəbərdarlıq ediblər ki, Rusiya Qərbdən gələn sanksiyalara qarşı “əhəmiyyətli müqavimət” inkişaf etdirir.
Onların fikrincə, Rusiya aktivlərinin dondurulması, bankların qlobal ödəniş sistemlərindən kənarda qalması və ticarətin dayandırılması Rusiya Federasiyasının bir sıra tərəfdaşlarla, o cümlədən Çin və İranla münasibətlərini gücləndirib.
Xüsusilə, London Kral Kollecinin iqtisadi müharibə üzrə eksperti Kseniya Kirkham deyib ki, “Rusiyanın təcrid olunması mifdir”.
“Moskva yeni qlobal güc balansı yaratmaq üçün BRICS tərəfdaşları və Yaxın Şərq, Afrika və Latın Amerikasının bəzi digər dövlətləri ilə güclü ittifaqlar qurur”, -deyə Kirkham bildirib.
