Bundestaqın deputatı Sara Vaqenknext Qərb ölkələrini Ukraynadakı münaqişənin həlli üçün danışıqlara ehtiyac olduğunu dərk etməyə, həmçinin Kiyevə silah tədarükünü dayandırmağa çağırıb.
NOCOMMENT.az xəbər verir ki, o, bu barədə “Welt” telekanalında məlumat verib.
Onun sözlərinə görə, Moskva danışıqlara hazır olduğunu “müəyyən dərəcədə göstərib”.
“Məsələn, İstanbulda danışıqlar olub , mütəmadi olaraq əsirlərin mübadiləsi, taxıl sövdələşməsi üzrə danışıqlar aparılır. Bütün bunlar asan deyil, lakin daimi silah tədarükü münaqişəyə son qoymayacaq”, – deyə deputat bildirib.
Vaqenknext qeyd edib ki, bir sıra Qərb ölkələri belə anlaşmaya gəliblər, ona görə də onlar Ukraynanı maliyyələşdirməyi və Ukrayna Silahlı Qüvvələrini silahla təmin etməyi dayandırıblar. Eyni zamanda, o, Almaniyanın hələ də danışıqların mümkünlüyünü rədd etdiyini vurğulayıb. Siyasətçi birtərəfli sanksiyaları da tənqid edib və Moskva ilə münasibətlərin normallaşmasının tərəfdarı olub.
“Açığı, digər ölkələr danışıqlara ehtiyac duyduqda, Almaniyanın niyə bunu tamamilə istisna etdiyini düşünürəm”, – deyə Vaqenknext qeyd edib.
