Avropa İttifaqı Şurasının rəhbəri Şarl Mişel Ukraynaya dəstəyi “Avropa İttifaqının təhlükəsizliyinə sərmayə” adlandırıb.
NOCOMMENT.az xəbər verir ki, o, bu fikri Avropa Parlamentinin üzvlərinə bildirib.
“Mən vaxtaşırı şübhələr səpməyə çalışanlara cavab vermək istəyirəm: Ukraynanı dəstəkləmək üçün hər bir avro bizim təhlükəsizliyimizə, rifahımıza, Avropa İttifaqının sabitliyinə qoyulan sərmayədir”, deyə Aİ Şurası rəhbəri vurğulayıb. .
Onun sözlərinə görə, Aİ-dən Kiyevə 50 milyard avro ayırmaq qərarı göstərir ki, Avropa liderləri Rusiyadan qorxmur.
Bundan əvvəl NATO-nun baş katibi Yens Stoltenberq Ukraynanı Birləşmiş Ştatlar üçün “yaxşı anlaşma” adlandırmışdı, çünki Vaşinqtonun Kiyevə yatırdığı pulun böyük hissəsi avadanlıq almaq üçün ABŞ-da qalır, sonra isə Ukraynaya göndərilir.
O qeyd edib ki, ABŞ-ın müttəfiqlərdən müdafiə müqavilələri iqtisadi və təhlükəsizlik baxımından mühüm amilə çevrilib: “Bu, təhlükəsizlik (ABŞ-ın-red.) iqtisadi maraqlara uyğundur”.
