Saxta əlillik almaq istəyənlər belə yaxalandılar – VİDEObackend

Saxta əlillik almaq istəyənlər belə yaxalandılar – VİDEO

  • whatsapp
  • messenger
  • telegram
  • vkontakte
  • odnoklassniki

Bəzi vətəndaşlar müxtəlif üsullarla saxta əlillik dərəcəsi almaq üçün müraciət edib və onlara qeyri-qanuni yollarla əlillik dərəcəsi təyin edilib. Maraqlıdır, indi də belə hallar varmı?

NOCOMMENT xəbər verir ki, Azərbaycan Televiziyasının “Obyektiv” proqramı məsələni araşdırıb.

Əlillik dərəcəsinin necə dəyin olunmasından danışan Əmək və Əhalinin Sosial Müdafiəsi Nazirliyinin tabeliyində olan Dövlət Tibbi-Sosial Ekspertiza və Reabilitasiya Agentliyinin sədri Cavid Əbdül-Qədirov bildirib ki, əlillik dərəcəsi dərəcəsi Dövlət Tibbi-Sosial Ekspertizası tərəfindən həkim ekspert təması və müraciət edən vətəndaş olmadan həyata keçirilir.

O qeyd edib ki, vətəndaş səhiyyə müəssisəsinə yaxınlaşaraq onun bütün ambulator, stasionar müalicələri nəzərdən keçirilərək onu müddətli və müddətsiz müalicəsi nəzərdən keçirilərək həkim komissiyasının qərarı ilə forma 88 tərtib edilir və əlillik kağız sisteminə daxil edilir: “Sistemə daxil edildikdən sonra 3 tibbi sosial ekspert komissiyası tərəfindən həyata keçirilir. Hər hansı qərar çıxdıqda, həmin vətəndaşın özünə, həm də səhiyyə müəssisəsinin həkim komissiyasının qərar verdiyi orqana məlumat verilir. Narazılıqlar zamanı vətəndaşa, həm də səhiyyə müəssisəsinə müraciət çatdırılır. İlkin olaraq vətəndaş səhiyyə müəssisəsinə yaxınlaşır, hər hansı qərarla tanış olmalıdır. Tanışlıqdan sonra qərar həkim məsləhət komissiyası səviyyəsində araşdırılır. Narazı qalan vətəndaş çağrı mərkəzində 19 23 nömrəsi ilə əlaqə saxlaya bilər. Vətəndaş qəbulu da həyata keçirilir. Hər hansı vətəndaş narazılığı olduqda əyani müayinəyə cəlb edilə bilər. Əyani müalicə nəticəsinə uyğun olaraq hər hansı təkrar qiymətləndirmə aparılır”.

Cavid Əbdül-Qədirov əlavə edib ki, indiyə qədər təkrar müayinə zamanı 7 000-ə qədər saxta əlilliyi olan şəxs aşkarlanıb: “Bu saxta əlillik təyinatları elektron sistemdə həm uyğunsuzluqlar, həm də səhiyyə müəssisəsinin elektron reysterində olmaması, və yaxud da ziddiyyət yaradan suallar yaradıb. Vətəndaş deyə bilməz ki, onun ünvanlı məktubuna cavab verilməyib və o dəvət edilməyib. İndiyə qədər qərardan narazı olan vətəndaşların qəbulu həyata keçirilir. Bu müayinə təkcə saxtakarlığın aşkarlanması üçün deyil, həm də vətəndaşın müayinəsidir. Narazı olan vətəndaşların arasında haqlı və haqsızlar var. Sözsüz ki, haqlı olan vətəndaşların komissiya rəyi əsasında əlillik təyinatı həyata keçirilir”.