Serbiyada dövlət çevrilişinə cəhd: Prezidentin və ailəsinin danışıqları dinlənildibackend

Serbiyada dövlət çevrilişinə cəhd: Prezidentin və ailəsinin danışıqları dinlənildi

  • whatsapp
  • messenger
  • telegram
  • vkontakte
  • odnoklassniki

Serbiyanın Baş naziri Ana Brnabiç ölkə Prezidenti Aleksandr Vuçiçin qanunsuz dinlənilməsini dövlət çevrilişinə cəhd adlandırıb.

NOCOMMENT virtualaz.org-a istinadən xəbər verir ki, Baş nazir bu işdə hakim partiyanın funksionerləri və DİN-dən olan yüksək rütbəlilərin yer aldıqlarını bildirib.

Bununla belə, konkret olaraq heç bir səlahiyyətli şəxsin adı çəkilməyib.

Xatırladaq ki, daha əvvəl Serbiyanın daxili işlər naziri ölkə prezidenti Aleksandar Vuçiç və ailə üzvlərinin telefon danışıqlarının qeyri-qanuni dinlənildiyini bəyan etmişdi.

Nazir bununla bağlı çox sayda faktlara malik olduqlarını demişdi: “DİN ölkə Prezidenti və ailəsinin telefon danışıqlarının qeyri-qanuni dinlənilməsilə əlaqədar 1572 fakt qeydə alıb”.

Onun sözlərinə görə, Prezidentlə yanaşı, onun qardaşı Andrey, atası Andjelko və oğlu Danilonun da telefon danışıqları dinlənilib.

DİN rəhbəri, həmçinin bütün sübutların artıq ölkə prokurorluğuna təqdim olunduğunu bildirmişdi.