Qazaxıstanda neft məhsullarının yeraltı tunel vasitəsilə keçirilməsi ilə bağlı istintaq başa çatıb.
NOCOMMENT.az xəbər verir ki, bu barədə Maliyyə Monitorinqi Agentliyinin mətbuat xidməti məlumat yayıb.
Beş Qazaxıstan vətəndaşı şübhəli şəxs qismində müəyyən edilib.
Məlum olub ki, bir qrup şəxs Qazaxıstan və Özbəkistan sərhədində 450 m uzunluğunda yeraltı tunel inşa edib. Cinayətkar qrup iki ay ərzində qeyri-qanuni fəaliyyət göstərərək sabit qaçaqmalçılıq sxemini, o cümlədən xaricdən maliyyələşdirmə, logistika, yanacaq-sürtkü materiallarının ixracını həyata keçirib. Qazaxıstan tərəfi ilə eyni vaxtda Özbəkistan Respublikasının hüquq-mühafizə orqanları öz ərazisində analoji fəaliyyət həyata keçirib.
Əməliyyat zamanı AFM-nin Türküstan vilayəti üzrə idarəsinin və Milli Təhlükəsizlik Komitəsinin, eləcə də Özbəkistanın hüquq-mühafizə orqanlarının nümayəndələri cinayət sxeminin bütün iştirakçıları, o cümlədən Özbəkistan vətəndaşlarını müəyyən ediblər. Beş Qazaxıstan vətəndaşı şübhəli şəxs qismində tanınıb.
İş məhkəməyə göndərilib.\\“Unikal”
