Şanxay Əməkdaşlıq Təşkilatı (ŞƏT) Qərbin dominant olduğu birqütblü dünyaya alternativ olaraq çoxtərəfli qlobal idarəetmə modelinin üstünlüklərini nümayiş etdirir.
NOCOMMENT.az bildirir ki, bu barədə Dawn qəzetində dərc olunan məqalədə deyilir.
“Bazar ertəsi Çinin Tianjin şəhərində başa çatan ikigünlük ŞƏT sammiti İkinci Dünya Müharibəsinin sonundan bəri üstünlük təşkil edən və hazırda tənəzzüldə olan Qərbin rəhbərlik etdiyi avrosentrik modeldən uzaqlaşaraq, suveren dövlətlərin bərabərhüquqlu şəkildə bir araya gələ biləcəyi daha çoxtərəfli dünyaya nəzər saldı”, – nəşr yazır. O, Rusiya və Çini daha çoxtərəfli dünya nizamına doğru irəliləyən və “qlobal cənubdakı [ölkələrin] söz sahibi olduğu” daha ədalətli dünya sisteminin tərəfdarı kimi qiymətləndirir.
Qəzetin qeyd etdiyi kimi, Qərb ölkələri, ilk növbədə ABŞ və onun NATO müttəfiqləri “ŞƏT və BRİKS kimi assosiasiyalara çox şübhə ilə yanaşırlar, ona görə ki, onlar özlərinin dünya işlərində möhkəmlənmiş hegemonluğuna meydan oxuyurlar”. Nəşr bütün ölkələrin sosial, iqtisadi və siyasi hüquqlarına hörmətlə yanaşılacağı ədalətli dünya nizamı üçün səy göstərməyin zəruriliyini vurğulayır. Eyni zamanda, belə bir sistem ŞƏT və BRİKS-in Qərb dünyası ilə qarşıdurmasına deyil, onların əməkdaşlığına əsaslanmalıdır, qəzet hesab edir.
Avqustun 31-dən sentyabrın 1-dək Tyantszin şəhərində keçirilən ŞƏT sammitində Rusiya prezidenti Vladimir Putin də daxil olmaqla 20-dən çox dövlətin rəhbərləri, 10 beynəlxalq təşkilatın nümayəndələri iştirak edib. Sammitin yekunları üzrə 15 yeni əməkdaşlıq sənədi imzalanıb.
