Şifrələr açılır: Araik Arutyunyan Paşinyanı niyə ittiham edir…backend

Şifrələr açılır: Araik Arutyunyan Paşinyanı niyə ittiham edir…

  • whatsapp
  • messenger
  • telegram
  • vkontakte
  • odnoklassniki

Qarabağdakı quldur tör-töküntünün başçısı Araik Arutyunyan Moskvaya səfərindən sonra Xankəndidə verdiyi açıqlamalarla Ermənistan hakimiyyətini ittiham edib, rəsmi Yerevanı normal ordu qurmamaqda günahlandırıb.

Araik Arutyunyanın Rusiya səfərinin mahiyyətində iki versiyanı önə çıxarmaq olar:

Birincisi, Kreml Arutyunyanı seçkiqabağı Paşinyana qarşı qüvvə kimi hazırlayır.

Yoxsa Arutyunyan indi gəlib Ermənistanı ordu qura bilməməkdə ittiham etməzdi.

Ermənistan KİV-i də yazırdı ki, Moskva Arutyunyanı Paşinyanın sözünə müticəsinə qulaq asdığına görə cəzalandırmaq istəyib.

İkinci versiya isə budur: Azərbaycanla Rusiya arasında razılaşma əldə olunub və Moskva Arutyunyana erməni qoşunlarını çıxarmaq üçün qəti tələb qoyub.

Deyə bilərik ki, niyə Azərbaycan olmadan bu danışıqlar olub? Diplomatiyada birbaşa iştirak olmadan da məqsədlərə asanlıqla nail olunması halları var. Azərbaycan heç cür Arutyunyan kimi quldur və separatçıları tərəf kimi tanımayıb, belə də qalacaq. Arutyunyan sadəcə bir piyadadır. Onun üzdə revanşist kimi görünən bəyanatlarının arxasında əslində Qarabağdakı erməni icmasını sakitləşdirmək dayanır.

Moskva isə iki stulda eyni anda oturmaq istəyir: Həm Arutyunyanı Paşinyana qarşı dövriyyəyə salmaq, həm də Azərbaycanın qəti tələbləri qarşısında sülhməramlı missiyasına uyğun qalaraq erməni qoşunlarının çıxarılmasını təmin etmək.

Bu tezislərdən yola çıxsaq deyə bilərik: Hər iki versiya bir-birilə əlaqəlidir.

Fikir verək, Arutyunyanın Moskvaya getməsindən sonra Azərbaycan ordusunun Xocalının Naxçıvanik kəndində 172 hektar ərazini nəzarətə götürməsi, keçmiş Ağdərə rayonunun Sırxavənd kəndi istiqamətində 500 metrə qədər irəlilədiyi, Ağdamın Gülablı kəndi ilə Xocalının sülhməramlıların nəzarəti altında olan Harov kəndi arasındakı 4 kilometrlik neytral ərazini nəzarətə götürdüyü bildirildi.

Mövqelərin irəli çəkilməsi Azərbaycan ordusunun strateji üstünlüklərini genişləndirir.

Bununla paralel olaraq ötən gündən etibarən erməni qoşunlarının Xankəndini tərk etdiklərinə dair görüntülər sosial şəbəkələrdə sürətlə yayıldı.

Bu məlumatlar Ermənistan hakimiyyətinə sərf edir – Qarabağdakı erməniləri Azərbaycanın nəzarəti altında yaşamağa təşviq edən ictimai rəyin yaradılmasıdır.

Bu gün Ermənistan KİV-i məlumat yayıb ki, bir ay bundan qabaq DTX rəisi Əli Nağıyev Ermənistanın baş çekisti Armen Abazyanla Şurnux və Voratan kəndləri ətrafında görüşüblər.

Hadisələrin isə bu görüşdən sonra baş verməsi diqqət çəkir.

Nəticə: Azərbaycan istədiyinə tədricən nail olur, lakin Rusiya təsir dairəsinin zəifləməsindən ehtiyat edir. Heç də təsadüfi deyil ki, Moskvanın əsas kozırı olan Robert Köçəryan bu gün revanşist açıqlama verib, Şuşa və Hadrutu geri qaytarmaq barədə sərsəmləyib.

Rusiya yaranmış vəziyyəti həm də Paşinyan əleyhinə qüvvələrin xeyrinə dəyişməkdə israrlıdır.

Aqşin Kərimov