Şimali Koreyanın keçirdiyi ortamənzilli ballistik raket sınağından bir neçə saat sonra Cənubi Koreya, Yaponiya və ABŞ birgə hərbi hava təlimləri təşkil edib.
NOCOMMENT.az xəbər Cənubi Koreyanın Müdafiə Nazirliyi Cecu adası yaxınlığında keçirilən təlimlərə “B-52” bombardmançı təyyarələri də daxil olmaqla, hər 3 ölkənin hərbi hava qüvvələrinin müxtəlif növ təyyarələrinin cəlb edildiyini açıqlayıb.
Nazirliyin məlumatında deyilir ki, üçtərəfli təlimlər Şimali Koreyanın artan nüvə-raket təhdidlərinin qarşısını almaq və reaksiya potensialını gücləndirmək məqsədi daşıyır.Bu, 2024-cü ildə Cənubi Koreya, Yaponiya və BŞ-ın ilk birgə təlimidir.
