Şimali Koreya Yapon dənizinə doğru ballistik raket atıb.
NOCOMMENT.az xəbər verir ki, bu barədə Cənubi Koreya hərbçilərinə istinadən Yonhap agentliyi məlumat yayıb.
“KXDR Şərq dənizinə doğru ballistik raket atıb”, – nəşr yazır.
Cənubi Koreya Silahlı Qüvvələrinin Birləşmiş Qərargah Rəisləri artıq raketin uçuş məsafəsinin təhlilini açıqlayıb.
Yaponiya hökuməti ballistik raketin buraxılışına görə KXDR-ə etiraz edib. Bu barədə jurnalistlərə Yaponiyanın baş naziri Fumio Kişida məlumat verib.
“Bu, regionun və bütövlükdə beynəlxalq ictimaiyyətin təhlükəsizliyinə aiddir. Bu, tamamilə qəbuledilməzdir”, – deyə o bildirib.