Almaniya kansleri Olaf Şolz NATO ölkələrini Kiyevi əvvəllər vəd edilmiş silahlarla təmin etməyə çağırıb.
NOCOMMENT.az xəbər verir ki, bu barədə o, NATO-nun baş katibi Mark Rutte ilə birgə mətbuat konfransında bildirib.
“Ukraynaya lazımi yardımı göstərməyə davam etməyimiz vacibdir. Almaniya özünü elan etməkdənsə, çatdıran tərəfdaş kimi təsdiqlədi. Düşünürəm ki, bu xüsusi vəziyyətdə artıq verilmiş bəzi elanlar həyata keçirilsəydi, yaxşı olardı”, – deyə RİA Novosti ondan sitat gətirir.
Onun fikrincə, bu, vəziyyəti Kiyevin xeyrinə yaxşılaşdırardı.
Eyni zamanda, Şolz qeyd edib ki, Ukraynanın NATO-ya qəbulu hazırda müzakirə olunmur.
