Naxçıvan Ali Məclisi sədrinin iki gün öncə istefa vermiş birinci müavini Azər Zeynalov saxlanılaraq Bakıya gətirilib.
NOCOMMENT.az bildirir ki, bu haqda Dia.az-a onun yaxın qohumları məlumat verib.
Azər Zeynalov vəzifəsinə uyğun olaraq, Vasif Talıbovun istefasından sonra bir ilə yaxındır ki, Ali Məclis sədrinin səlahiyyətlərini icra edirdi.
Yaxınlarının verdiyi məlumata görə, Azər Zeynalovu DTX əməkdaşları Naxçıvanda saxlayıb, sonra Bakıya gətiriblər. Onun nəyə görə görə saxlandığı haqda qohumlarında məlumat yoxdur. Haqqında həbs qətimkan tədbiri seçilməsi üçün onun məhkəmə qarşısına çıxarılıb-çıxarılmayacağı məlum deyil.
Vasif Talıbovun ən etibarlı adamı sayılan Azər Zeynalovun adı korrupsiya və rüşvətxorluqda hallanır.
