NOCOMMENT.az Rusiya mətbuatına istinadən xəbər verir ki, Şimali Atlantika bloku Qəzza zolağında münaqişədə fəal rol oynamır. Bunu NATO-nun baş katibi Yens Stoltenberq alyansa üzv ölkələrin xarici işlər nazirlərinin Brüsseldə keçirilən iclasının birinci gününün yekunları üzrə brifinqdə deyib.
“NATO bir müttəfiq olaraq Fələstin-İsrail münaqişəsində fəal rol oynamır”,- deyə o deyib.
Bir gün əvvəl NATO Qəzzada atəşkəsin uzadılmasına çağırıb. Stoltenberqin sözlərinə görə, “daha çox yardım çatdırmaq və girovları azad etmək lazımdır”.
Bundan əvvəl Fələstinin HƏMAS radikal hərəkatının nümayəndəsi qeyd edib ki, qruplaşma hər gün 10 girovu azad etsə, atəşkəsin uzadılması mümkün olacaq.
