NOCOMMENT.az Rusiya mətbuatına istinadən xəbər verir ki, NATO-ya üzv ölkələrin xarici işlər nazirləri alyansa qoşulmaq yolunda Ukraynanı dəstəkləməyə hazır olduqlarını təsdiqləyiblər. Bunu NATO-nun baş katibi Yens Stoltenberq blokun xarici işlər nazirlərinin Brüsseldə keçirilən iclasının birinci gününün yekunları üzrə mətbuat konfransında deyib.
“Bugünkü görüşümüzdə müttəfiqlər Ukraynanı NATO-ya gedən yolda dəstəkləmək və sarsılmaz (Kiyevə) dəstək vermək əzmində olduqlarını bir daha təsdiq etdilər”, – baş katib bildirib.
Daha əvvəl Stoltenberq Ukraynanın gələcəyinin NATO-da olduğunu və alyansın liderlərinin artıq ölkəni dəvət etmək qərarına gəldiyini, lakin hələlik bunu etməyəcəklərini bildirib.
