Ümumdünya Səhiyyə Təşkilatı (ÜST) Sudanda davam edən qarşıdurmada həyatını itirənlərin sayının 551-ə yüksəldiyini açıqlayıb.
NOCOMMENT.az xəbər verir ki, BMT-nin Cenevrə ofisinin sözçüsü Alessandra Vellucci-nin moderatorluğu ilə həftəlik mətbuat konfransı keçirilib.
İclasda 15 apreldən bəri Sudanda ordu ilə Çevik Dəstək Qüvvələri (HDK) arasında davam edən qarşıdurmalarla bağlı son vəziyyət müzakirə edilib.
ÜST-nin sözçüsü Marqaret Harris Sudanda davam edən qarşıdurmalarda həyatını itirənlərin sayının 551-ə yüksəldiyini, 4926 nəfərin yaralandığını qeyd edib.
Qarşıdurma zamanı səhiyyə müəssisələrinə qarşı ümumilikdə 28 hücum olduğunu bildirən Harris, bu hücumlarda 8 nəfərin öldüyünü, 18 nəfərin yaralandığını bildirib.
NOCOMMENT.AZ