“Rusiyalı sülhməramlılar artıq Laçın dəhlizinə alternativ olan yeni yolda yerləşdiriliblər”.
NOCOMMENT qafqazinfo-ya istinadən xəbər verir ki, bu barədə məlumatı Qarabağdakı erməni separatçılarının nümayəndəsi Viktoriya Petrosyan açıqlayıb.
Onun sözlərinə görə, Ermənistanı Azərbaycan əraziləri ilə birləşdirən yeni yolun bu hissəsi tamamilə asfaltlanıb və Xankəndi-Gorus-Laçın yolu kimi fəaliyyət göstərəcək.
“Rusiyalı sülhməramlılar artıq orada yerləşdirilib və yola nəzarət edirlər”, – deyə Petrosyan söyləyib.
Xatırladaq ki, Ermənistan mediası Laçın dəhlizinə alternativ olan yeni yolun avqustun 30-da axşam saat 20:00-dan nəqliyyatın hərəkətinə açıq olacağı barədə məlumat yayıb.