Sumqayıt şəhəri ilə Saray qəsəbəsini birləşdirən körpü açılıb.
NOCOMMENT.az xəbər verir ki, bu barədə Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli deyib.
O bildirib ki, körpü bu gündən istifadəyə verilib və açılış mərasimində Sumqayıt Şəhər İcra Hakimiyyətinin, eləcə də AAYDA-nın rəhbər şəxsləri iştirak ediblər.
Qeyd edək ki, 3 aşırımdan ibarət olan yeni körpünün uzunluğu 104 metr-dir. Ümumi eni 21.6 m təşkil edən körpü 4 hərəkət zolaqlıdır. Körpünün sağ və sol hissələrində 2 metr enində piyada səkiləri tikilib.
4 dayaq inşa olunan yeni körpü orta dayaqlarda diametri 1.5 m olmaqla 6 sütundan tikilib. Körpunun ümumi sütunlarının sayı 12 ədəddir. Hər dayaq iki cərgəli uzunluğu 14 metr, diametri 1 metr olan svaylar tikilib. Svayların ümumi sayı 80 ədəd təşkil edir.\\ İqtisadiyyat.az
