Silkələnən piləkənlər, çatlamış divarlar, hər an uçma təhlükəsi olan bina…
NOCOMMENT.az xezerxeber.az-a istinadən xəbər verir ki, görüntülər paytaxtın Suraxanı rayonu Suraxanı qəsəbəsi Atamoğlu Rzayev küçəsində yerləşən, 23 ailənin məskunlaşdığı iki mərtəbəli yaşayış binasındadır. Sakinlərin sözlərinə görə, 1 əsrdən çox yaşı olan binanın divarlarında dərin çatlar yaranıb, bu isə yaşayış üçün ciddi təhlükə yaradır.
Sakinlər bildirirlər ki, məsələ ilə bağlı aidiyyəti qurumlara dəfələrlə müraciət ediblər.
Məsələ ilə bağlı Suraxanı Rayon İcra Hakimiyyətindən “Xəzər Xəbər”ə bildirildi ki, sözügedən bina rayonda yerləşən qəzalı binalar siyahısına əlavə edilib. Qəzalı binalarla bağlı müvafiq qərar veriləcəyi təqdirdə, aidiyyəti üzrə tədbirlərin icrası həyata keçiriləcək.
Xezerxeber.az mövzu ilə bağlı daha ətraflı videomaterialı təqdim edir.
