Suriya sərhədində təhlükəsizliyi təmin etmək üçün nəzarətli şəkildə yandırılan quru və alaq otları küləyin təsiri ilə yenidən alovlanıb.
NOCOMMENT xəbər verir ki, bufer zonada baş verən yanğın nəzarətə götürülərək söndürülüb.
Suriyanın Cerablus şəhəri ilə Qaziantəpin Karkamış rayonu arasındakı bufer zonada otlar sərhəd qoşunları tərəfindən nəzarətli şəkildə yandırılarkən, alov küləyin təsiri ilə əraziyə keçib. Sərhəd xəttində gün ərzində yüksələn tüstü sönmək üzrəykən yenidən güclənib. Bölgəyə gələn yanğınsöndürənlərin də müdaxilə etdiyi yanğın təxminən 10 saat sonra yenidən nəzarətə götürülüb.
