NOCOMMENT.az Rusiya mətbuatına istinadən xəbər verir ki, ABŞ hərbçiləri Suriyadakı hərbi bazalarında hücuma məruz qalıb. Bu barədə TASS “Al Mayadeen” telekanalının məlumatlarına istinadən məlumat yayıb.
Jurnalistlərin məlumatına görə, ölkənin şimal-şərqində Haseke vilayətinin Tell Beidar qəsəbəsi ərazisində obyektə hücum edilib. Hücumun mahiyyəti və nəticələri barədə təfərrüatlar açıqlanmayıb.
Bundan əvvəl ABŞ-ın İraqın qərbindəki “Ayn əl-Əsəd” və Suriya, İordaniya və İraq sərhədindəki “Ət-Tənf” bazalarının pilotsuz təyyarələrin hücumlarına məruz qaldığı bildirilirdi. Birinci bazaya iki, ikincisinə isə bir pilotsuz təyyarə hücum edib. Bütün İHA-ların vurulduğu iddia edilir.
