Sürücülərə XƏBƏRDARLIQ: Bu yolda cərimələnə bilərsiniz – VİDEObackend

Sürücülərə XƏBƏRDARLIQ: Bu yolda cərimələnə bilərsiniz – VİDEO

  • whatsapp
  • messenger
  • telegram
  • vkontakte
  • odnoklassniki

Bakıda iki küçədə hərəkətin istiqamətində dəyişiklik edilib.

NOCOMMENT Xəzər TV-yə istinadən xəbər verir ki, Sabit Orucov və Mehdi Mehdizadə küçələri əsaslı təmir edildikdən sonra hər iki küçədə hərəkət birtərəfli olub.

Yolda bütün nişanların qoyulmasına baxmayaraq, hələ də qaydalara əməl etməyən sürücülər var. Belə sürücülər də ərazidə xidmət aparan yol polisləri tərəfindən cərimə edilirlər.

Bundan sonra Mehdi Mehdizadə küçəsi ilə hərəkət edən sürücülər Yusif Səfərov küçəsindən keçməklə, oradan birbaşa 28 may küçəsinə daxil ola biləcəklər.

Qeyd edək ki, 28 may metrostansiyasından gələn sürücülər də Sabit Orucov küçəsinə daxil olmaqla, üzü Nobel prospektinə doğru hərəkət edə bilərlər. Artıq yolda işlərin 90 faizi yekunlaşıb və hər iki küçədə Bakı Nəqliyyat Agentliyi tərəfindən bütün yol nişanları quraşdırılıb.

Hətta küçəboyu kəsişmələrdə də qadağanedici nişanlar qoyulub ki, sürücülər daha aydın görsünlər. Amma hər iki küçədə hərəkət birtərəfli olsa da, bəzi sürücülər yenə həmin istiqamətdə hərəkət edirlər. Ərazidə xidmət aparan yol polisləri belə sürücüləri cərimələyirlər.

Hər iki küçədə hazırda son tamamlanma işləri görülür. Yol cizgi xətləri çəkilib və hazırda səki daşları vurulur.

Bakı Şəhər Dövlət Yol Polisi İdarəsinin bölmə rəisi Vaqif Əsədov deyir ki, işlər tam yekunlaşdıqdan sonra Yusif Səfərovla Sabit Orucov və Mehdi Mehdizadə küçələrinin kəsişməsində işıqforlar da quraşdırılacaq.