Tayland hökuməti Kamboca ilə sərhəddə yerləşən 50 kilometrlik zolaqdan əhalinin təxliyəsi barədə qərar verib.
NOCOMMENT.az xəbər verir ki, bu barədə brifinq zamanı baş nazirin səlahiyyətlərini müvəqqəti icra edən baş nazir müavini və daxili işlər naziri Phumttham Vecaycay məlumat verib.
“Daxili İşlər Nazirliyi hökumətin qərarına əsasən Taylandın Kamboca ilə sərhəddə yerləşən dörd vilayətində – Ubonraçatxani, Buriram, Sisaket və Surin – mülki əhalinin 50 kilometrlik sərhəd zonasından təxliyyəsini həyata keçirir,” – deyə o bildirib.
Vechayachai əlavə edib ki, Səhiyyə və Təhsil nazirlikləri birlikdə bu bölgədəki səhiyyə müəssisələrini, ilk növbədə xəstəxanaları, eləcə də ibtidai, orta və ali məktəbləri müvəqqəti bağlayaraq təxliyə edirlər.
Bundan əlavə, Phumttham Vecaycay bildirib ki, Kamboca Tayland ərazisinə hədəf ayrımı etmədən raket zərbələri endirib.
