17 dekabr tarixində üç Rusiya sərhədçisi Estoniya ərazisinə daxil olub və orada təxminən 20 dəqiqə qalıb.
NOCOMMENT.az xəbər verir ki, bu barədə Estoniya hakimiyyəti bildirib.
Qeyd edilib ki, hücum quru ərazidə, Narva çayının arxasında yerləşən kiçik bir Estoniya torpağında baş verib. Hadisə video ilə sənədləşdirilib.
Talin Rusiya səfirini çağıraraq məsələ ilə bağlı danışıqlar aparacaq.
Estoniya Daxili İşlər Nazirliyinin rəhbərinin sözlərinə görə, hələlik bu hadisənin təsadüfi olub-olmaması və ya qəsdən törədilmiş provokasiya olduğu dəqiq məlum deyil. Sərhəd patrulları həmin bölgədə gücləndirilmiş rejimdə xidmət göstərir.
