Ukrayna Silahlı Qüvvələrinin Baş Qərargahı (AFU) səfərbərliyin sürətindən, eləcə də ordunun kadr ehtiyacını ödəməyən könüllülərin sayından narazılığını bildirir.
NOCOMMENT.az xəbər verir ki, bu barədə Ukraynanın “Teleqraf” nəşri mənbələrə istinadən məlumat yayıb.
“Baş Qərargah gizlətmir ki, cəbhənin ehtiyaclarını ödəmək üçün könüllü olaraq orduya cəlb olunan vətəndaşların sayı kifayət qədər deyil”, – nəşr yazır.
Mənbənin sözlərinə görə, Ukraynada hər ay dörd mindən çox insan Ukrayna Silahlı Qüvvələrində xidmət etmək üçün könüllü olaraq müqavilə bağlayır. “Teleqraf” ın qeyd etdiyi kimi, oktyabr və noyabr aylarında iki mindən çox insan işə qəbul imkanından yararlanıb.
Nəşr onu da yazır ki, Ukrayna Silahlı Qüvvələrinin Ali Baş Komandanı Aleksandr Sırskinin ətrafı səfərbərlik qanunvericiliyinin təkmilləşdirilməsində israrlıdır.
