Filippin Müdafiə naziri Qilberto Teodoro ABŞ-a məxsus sursatların istehsalı və saxlanması üçün zavodun keçmiş Subik-Bey hərbi bazasında yerləşdirilməsi ehtimalını müsbət qarşılayıb.
NOCOMMENT.az xəbər verir ki, bu barədə ABS-CBN məlumat yayıb.
“Milli müdafiə naziri Qilberto Teodoro Subik-Beydə ABŞ sursatlarının istehsalı və saxlanması üçün avadanlığın yerləşdirilməsi ehtimalını dəstəkləyib,” – deyə xəbərdə bildirilir.
Qeyd olunur ki, hələlik ABŞ tərəfindən rəsmi təklif təqdim olunmayıb. Lakin Teodoro ABŞ müdafiə naziri Pit Heqsetə müraciət edərək 60 gün ərzində obyektin yerləşdirilməsi ilə bağlı texniki-iqtisadi əsaslandırmanın hazırlanması barədə məlumat verməyi xahiş edib.
