“Ailənin üzvləri belə, Nikol Paşinyanla normal münasibət qura bilmirlər”.
NOCOMMENT yenisabah-a istinadən xəbər verir ki, bunu Ermənistanın ilk prezidenti Levon Ter-Petrosyan bildirib.
Onun sözlərinə görə, Nikol Paşinyanı Türkiyə və Azərbaycandan gələn təhdidlərdən daha da pis hesab etməyə davam edir.
Erməni Milli Konqresinin lideri qeyd edib: “Vaxt gələcək ki, Ermənistan Türkiyə və Azərbaycanla normal və hətta yaxşı qonşuluq münasibətləri quracaq, bütün dünya və ilk növbədə, Rusiya bunda maraqlıdır. “Bunun üçün Ermənistanda normal hökumət olmalıdır. Nikol Paşinyan bunu edə bilməyəcək, çünki öz-özlüyündə millətin qalan hissəsini məhv etmə təhdididir. Köçəryanın gözləri isə yalnız özünü görür”.
Ter-Petrosyan bildirib: “Ailənin üzvləri belə, Nikol Paşinyanla normal münasibət qura bilmirlər”.
Birinci prezidentin sözlərinə görə, Gürcüstan və İran Ermənistan üçün dost ölkələrdir və onlarla münasibətlər strateji xarakter daşıyır. “Həm İran, həm də Gürcüstan güclü Ermənistanla maraqlanır. Ermənistan-Rusiya münasibətlərinə gəldikdə isə, əla hüquqi bazaya, 1997-ci il tarixli Dostluq və Təhlükəsizlik Müqaviləsinə əsaslanır. Bu əla sənəddir və olmasaydı, daha erkən məğlub olardıq. Qərb Cənubi Qafqazı Rusiyanın təsir zonası hesab edir və burada heç kim buna müdaxilə etməyəcək”.
