Təxirə salınmış Tokio-2020 Yay Olimpiya Oyunlarının 2021-ci ildə mümkün keçirilmə tarixi müəyyənləşib.
NOCOMMENT.az-ın məlumatına görə, bu barədə Beynəlxalq Olimpiya Komitəsinin (İOC) Koordinasiya Komissiyasının rəhbəri Con Kouts “Reuters”ə açıqlama verib. O bildirib ki, hazırda gələn ilin iyul – avqustunda “pəncərə”nin yaradılması istiqamətində beynəlxalq idman federasiyaları ilə iş aparılır. Koutsun fikrincə, olimpiada tennis üzrə iyulun ortalarında başa çatacaq Uimbldon və avqustun sonunda başlayacaq US Open arasındakı dövrdə təşkil olunmalıdır.
İOC rəsmisi Oyunların tarixini yaxın 4 həftə ərzində təsdiqləmək istədiklərini diqqətə çatdırıb.
Qeyd edək ki, Tokio-2020 koronavirus pandemiyası ilə əlaqədar təxirə salınıb.
